تقاسيم من مقام الصبا/روابط

مر من تمر

مقطوعات شعرية مترابطة كتبتها خلال عام2005 ثم اوائل عام2006طبعتها مــــرمـن تـــمر 1 لو کنت جیت ونوّرت ما سلّمت شمس العصر ولا عذّبت گلبي النوایب واختــــــــفی منّي الگمر ارجع لي واکسر خاطري واجبر اذا ترضی الکسر گول وتمنّی اطلب وانفّذ طلبــــــــک وتأمر أمر عینک علی باب الوفا یا بو الوفا اعبر من تمُر مـــــر من تــــــــمر 2 مو گلت من حلم العشگ نبني مواویل وقصر مو گلت من طبع الطفل طبعه لثدي امّه یدر وگلت امشي وارحل واتبعک امشي شــــهر ولا تطـــفر وتخســـرني لا تعــــــــــبر نهر ویا ویــلي کم عانیت من طـــــــــول الهجر مر من تمر 3 آمنت بعیونک ولا کفّرني دولاب الکفر ولا شکت روحي وعلّلت ظلیت أعاني وانتظر أنسی ولکن من دروبک یا حلو ما من مفر أنسی ویرجّعني علی مأساتي آلبوم الصور ارجع لي یا غیمة شتا ایه لیش تبخل بالمطر مُر من تمُر 4 ارجع وکمّل رحلتک فک من یدي قید الأسر واجرحني لا بأس الجرح منّک حلو نفع وضرر اجرحني اجرح عَ ـ الأقل تترک لي من عندک أثر من دونک الماي الملگّح یا حبیبي وماي زمزم عندي مُر ملّیت من صبري علیک وصابر وملني الصبر مُر من تمُر 5 زعلان ایه زعلان والله وما أسامح وارضی کیف الورد ینسی ویبیع وکیف یغدر أرضه؟ کافی حبیبي ولا تگول الدنیا ایه کل من قسمته وحظّه وتدري العشگ حق وفرض والعشگ واجب فرضه أنسی وَلا أنسی الهوی وگلبي أناـ دم تک ـ یدگ لک نبضه ما تستحي من شیمتي هل هذا گلبک من حجر؟ مر من تمر 6 مر من تمر بالشارع وخالاتک وعمّاتک وبالدرب لا تمشي دلع خفّف نگل خطواتک خوفي علیک الشمس تنزل للأرض من ترتفع طیّاتک خوفي علیک الشرجي یعصر زیج رمّاناتک وسمفونیة بتهوفن العاشره یعزفها لغز غمزاتک واطیر من افراحي وتحترگ من رگصاتک اوراق الشعر مُر من تمر 7 أعوام سبع اعوام مرّت لکن الحب باقي ومن تمتمات الیوم الاوّل لسّه خضرا اوراقي بل إنّما کثرت وصارت تکبر وتکبر غصون اشواقي عطشان ما ترجع لي ما تروي الگلب یا ساقي ارجع واصرخ منّي بس حطمت کل اطواقي والعمر ما ترجع ایّامه وما ترد الحگ علی باقي العمر مُر من تمُر 8 لیش الحزن مستوطنک تبکي وتعض اصبع ندم وسکّر ایّامک حنظل وتمشي وتجي آه وألم لیه تختفي من شاشتک یا هاجري وطولک علم ادخل عیوني ولا تخاف احمیک احلف لک قسم وتعرفنی اضحّي لک وما یمنعني عنوان وإسم مِن مَن تخاف وتستحي ؟ الدیري کان اوّل تمر مر من تمر 9 تغفی وتنام وترگد وعن حالتي ما تدري دلـلّتک ودلّعتک وضحیّت لک کل عمري عندي السما غیم وأسی ومختنگ بالهم صدري وعندک ولا عندک شغل إلّا صدودي وغدري وحایر وادگ کف علی کف اشلون بعدک بُصري حمامتی البیضا، ملاک الحسِن یفرسها النسر مر من تمر 10 خُذنی علی بیتک صلیب وعلی بابه اسمرني لو ریشه من طیر الهوی وبالذکریات احرگني لو کاس من ماي الورد فوگ الشفایف رشني لو خرز بعثرني علی اقدامک حبیبي ولمني وامحي شریط الماضی کلّه ومن جدید اعشگني واحتکر گلبی بالعشگ خلّص علیه یا محتکر مر من تمر 11 یتعذّر الحب وارفُضه وما أرضی واقبل عذره إلّا إذا ترجع لي واعصرها الخدود السمرا للحب إذن ارجع بلا شرط احلی واجدی وأحری ولا تبقی تتعذّب عمر بین العتب والشکوی وتدری العشگ، طبع العشگ ساعاته منّ وسلوی ما یسمحون اهلک إذن إلّا ولا یبقی نفر مر من تمر 12 یکفي تشگ جیب الحیا واستر مواویلک وأزر ممنونک اهدابک شواطي رمل والحاظک بحر وتاخذنی بمواجک بلا مرسی وترد مدّ وجزر ما کافي تحرمني وأنا منّي الذوایب شیّبت مسها الکبر لا باگه للخضره تحل، لا خبزه تثلم للأکل وترید تشبع بالفخر مر من تمر 13 اشوفک علی الشاطي ورد تلعب علی امواج الشط اشوفک ولا أحکي واگول وبالوهم متورّط یا طیر گلبي بین ادیک وطفل ما تتفهّمه لا حلّق ولا من حط کل هذا یجري ولسّه گلبي بالعشگ ما فرّط لا بالهند والصین مثلک ظالم ولا روسیا وشرق اوسط مَن مثلی ضیّع عمره بالخالي بلاش وما توطّن ، یمشي ودربه جمر مر من تمر 14 ما یوم فارگني الهوی وما مَر علیَّ النیسان ولا عانی من همّ وحزن مثلي علی الأرض انسان ملّیت من روحي أنا وما ودعتني الأحزان کافي تحمّلني أسی کافي بلاها النسوان إلی متی جرحي جرح، صابر ومر طبع الصبر مر من تمر 15 خلیتني عایش علی کذبک وکومة أوهام وخیّبت ظنّي ومن رحت ضیعت کل الأحلام ویا ما یفز طیر العشگ وساهر یعاني وما نام واحلف له جوزک یا گلب لابد تجیبه الأیّام ویبکي ویلحّ، ما یرضی ، یتحدّي ویصر مر من تمر 16 کل ما أگول ارجع تعذّرت وگلت أسگیک ظل یا کمون کل هذا والدنیا بلا ذکراک دنیا ما لها طعم ولون ارجع لي واغفر زلّتک حتی ارضی واصبح ممنون وتدری احبک ما أحب غیرک ووین المشکله تمشي اشلون وتسجد أمامک من تجي جنّ وإنس شمس وگمر مر من تمر 17 افرض إذا ما بالامکان وصعبه هذي الرجعه لیه ما تضوّي لي علی هامش مواویل اللیالي شمعه لیه ما تصب لي علی خدک من ورودک دمعه ولیله وضحاها والنهر ینسی حبیبه ونبعه ولیش آه تلو الآه صدری من تقاسیمک یجر مر من تمر 18 ومن گال لک مبروک واتهنّی وزواجک شرعي وحامل علی کتفي انزلاقاتک علی محمل قدیم ورجعي اشعلت هذي النار والتالي رماد اصبح ولا شئ زرعي یا حلم ما حققته لي وارکض ورا الحلم اسعي ویا ما رجل بین التخاذل غرّبوه اهله ومع الماضي اندثر مر من تمر 19 یا دار وین اهل الوفا یا دار یرجع لي متی انتظره عند الباب واحسب له یجي صیف وشتا وگلبي یسائلني علیه یعتب وتکبر لوعته لکن حبیبي ما یرضی مگفول الگلب واعرض علیه اشکال من بیض وسمر مر من تمر –وما العمل – سافر وعثرت خطوته 20 أنادی تعالی یا مها یا ورده یا حلوه اللّمی ردّي جمیلي بالجمیل ولا تضیعین العشگ یا ظالمه وابکي علی من لا یبالي وما یجي وتبکي السما عندي علی اخطائک تقاریر ودلائل محکمه ویا ما تعبت وحاولت فی لیله اخطفک وانتحر والله ستر مر من تمر 21 أعتب علی من لا یساویه بالعشگ والحب أحد وحبّه ولا ینگص ولکن إنّما ما ینتهي حب للأبد من صغري هذا الحب تمالکني وکبر من المهد ویبقی حبیبي الأول الآخر یظل حتی اللحد أدری الثمن عمري وأساوم لا ولو غالي الثمن غالي السعر مُر من تمُر 22 صادق وکاذب تدري وما تدري فی نفس الوقت وبالحب مثل کل الذین احببتهم تاجرت بالحب وبعت مثل الگمر فی لیلة الأربعتعش مثل الهلال اتغیّبت منّی وضعت یالله اعترف لي کم گلب مسکین بالحب ورّطت وکم من متیّم لاعبت بالخطّه وانهار وخسر مر من تمر 23 یا من لَهُ حاجب وعین ومأذنه وقوس وقزح وغدر ووفا وکدر وصفا ورحمه وجفا وحزن وفرح جرحی کبر ینزف نهر گول لی متی تشفي الجرح تنکرني تنکر عشرتي، وجرح ودوا وزاد وملح؟ لو تعلگ العشره شمع ما توفّي من تعبي عشر مر من تمر 24 دنیاک غیمة صیف ما تمطر فرح، دنیا الحلو عیّاره دنیا طبعها تحرگ الیابس والاخضر دنیا ما ترحم گلب، دوّاره دنیا تفضّل من یخون ویغدر ومن ذاتها غدّاره وهذا الگلب عاشگ وما باع ونسی وما طفت، تسعر ناره وطبعک أناني وما ترد ولا تحترم رأي وفکر مر من تمر 25 إنسان ما یبقی ویجف فوگ الأرض کل الماي نبقی سوی وما نفترگ مهما تخالفني الراي حلمک یجي کل لیله یا قمر السما یشفي الداي واسأل علیک العین یا حلمي وأقلّب بالصور مر من تمر إفرض إذا ننسی الهوی ویسکت وما یبکي الناي 26 ارفع البوشیه اعطف وخلیّني اگـــــــــدّر مقیاس أعرُفَک من طبعک حنون وتحب کـلّک إحساس لو تدری من دون الخلگ في گلبک اجمل ألماس لکن ولا تدری وهُنا مشکلتي تصبح مشکلة کل الناس ما تدری ورّد غصنک وعندک العنقود اختمر مر من تمر 27 الناس وصلت للگمر وامواج بحرک ساکنه ومرّت وما ترجع علی النایم وتمشي الشاحنه فاتک قطار العمر ما تلگه والله احضان مثل احضاني حلوه وآمنه جرّب ولا تتخوّف الإنسان ما یتعلّم الّا ینعصر مر من تمر ! ما تگعد وتصلحها الاوضاع الراهنه 28 روح امشی منّی ولا ترد مادام تبحث عن سلم امشي ولا تلگه گلب مثلي یحبّک بالحلم اسکن مع هذا الشبح وابقی مع الرجل القزم تالی ترد لي نادم وبیدک اعذارک، ما یهِم وتعرف مَن الرابح ومَن فی لعبة البورصه انکسر مر من تمر 29 ماخذها باچر لا بعد باچر تجي وما توفي صایر مثل درویش ما تهوی الکبائر صوفي مو حرّگت بالحب سلف سلفاي ودعیّر حرگته وعوفي شوفي إذا ما کسّرت شباک گلبک شوفي وجیت وعملت المستحیل وطلّقت دنیا الخطر مر من تمر 30 حاولت ألعن واشتمک لکن حلو ما تستحقّ اللعنه والعمر إیه والله العمر ما تسوی ساعاته بدونک ما له طعم و معنی تذکر رکضنا وما لحگ خطواتنا حتی بساط الریح یوم الحنّا وبعدک عزیز وأریحی وبالگلب ساکن رغم ما شفته یا طیر الجنّه کل شی معک سکّر حلو فرح وقهر نوم وسهر مر من تمر 31 تیّمتنی ویوم اللّي غادرت الأهواز الدنیا صارت تابوت لا ما امر مو گبل مرّیت وعشگت وذوّقت گلبی الموت خوفي إذا ارجع إلیک اتورّط و تتساقط أوراق التوت خوفي أحبک من جدید و أبتلي وتسکن دمشق وبیروت و أهلي یمنعوني أزورک و أستوي و یغلی المهر مر من تمر 32 تذکر شهر آذار من کانت عیون النوخذه ساسة بلا وتتجسس ویاما زرعنا قبل بالشاطي سوی واستحیا شهر آغسطس تذکر کنت متحمّسه للعشگ للجیّات إیه و انت کنت متحمّس ومن کثر ما رحنا وجینا للمحمره السمرا جیبک فلّس قصدک مثلما کسرت گلبی گبل ارجع مرایا وانکسر مر من تمر 33 یا ما بعثت لک هدایا وصور واقلام وعطور وقمصان وما رجعت لي ولا گلت عندي حبیبه تنتظر في کل آن قررت تنساني وتظل وماترد قررت تسکن لبنان فیروز عند الرملةالبیضا تغني لک وانا بحر احزان کنت ابکي في صمتي و دموعي علی خدودي تنهمر مر من تمر 34 قطّعت گلبی اوصال من رحت و مشیت وما جیت متّ انتظرت ایام وشهور وسنین وغرّبتني وملیّت و اهلي بلوني و هدّدوني و زوّجوني شخص من اهل البیت یارومیو ما انصفت ماناضلت ما قدّرت حب جانیت و التالی آه التالی ما ارجع وکفّي خالي ما عندي عذر مر من تمر 35 من أجل حبک کرّست کل طاقتی وحاربت أخوي و أمي ویاما بکیت وطرقت باب السّما ووسّطت خالي وعمي یاما ویاما حاولت لکن ولا إیه حصّلت واحترگ بالحب دمي کنت اختلي في غرفتي وما اغفی افکر ما تجیني وتحت راسي سمي جنّیت من نارالفراق وضیّعت جنّیت ماظل لي فکر مر من تمر 36 من سافرت للیوم ادگ والطم وعالي الریح سکر بابي خانتني حتی الذاکره بس ما نسیتک من نسیت احبابي افتح الشّباک الصُبّّح یمکن اگول اسمع خبر شئ عن ضعن غیابي و غبت ومثلما عندک اسباب ودلایل یا حبیبي انا عندي اسبابي لکن ولا ارجع و ارد هیهات منّي الذّله احلف بالخِضِر مر من تمر 37 لامو نسو ربهم الناس وعذبوني و بالخناجر بالگلب طعنونیي و اهلي جفوني وفي قفص یشبه البیت وبالقفص سجنوني یاویلي یا ویلي صحت لک و استغاثت روحي بکفوفک وما نجوني لامونی من لا یعرفون الحب ولا مرهم هوی لاموني ولیلة زفافي کبّلوني والجسرمن شافني انهارالجسر مر من تمر 38 دمرّت ایّامي وحیاتي و ذکریاتي و وردتي و احساسي و أعوام مرّت لا سألت ولا گلت لا قررت ترجع کأنک ناسي یاصغر گلبک بالعشگ ماکان گلبک هکذا ما کان گلبک قاسي لیش انجرفت وضیعتني وصرت شاهد علی هذا افلاسي وضاگت الدنیا وما شفت غیر الملامه وعیني ذبلها السهر مر من تمر 39 شاورتک و باللحظه فی لیله گلت لو تلبسین الثوب الازرگ احلی وگلت اجلسي لا ترقصي خایف یزید الطین رگصچ بـــلّه و استرقت عناقید الثریا من ورا الشباک احادیث العنب والسّله والگمر غافلنا و تسلل و التفت غمزت لی عینه الکحلا کنت انتظر حتی یغیب و ننطلق بحلامنا کنت انتظر مر من تمر 40 دخت وحرت من کثر ما کان الگلب یتمنّی یاگلب کف من الکلام ولا تصر ما تگضي هذی المحنه من جد وجد گال لي وبالحب والعشگ حتی جحیمک جنّه و ظل یاخذ ویعطي بکلامه حتی اقنعني وحبایب صرنا و حسّسني بدموعي مواله من شبگ خدي و بلّلني المطر مر من تمر 41 راح انسی کل الماضي واتحدّی انّما أسحگ أحاسیسي وأمر کافي ولویش الزعل یعزلنا ونغنّي له ویقتلنا القهر نحیا ونعیش العمر مرّه واحده إیه لیش نتعذّب عمر والصبر یحدینا الصبر بمروّته وما من أمرّ من الصبر نحرگ سویعات الهوی ولا من عقاب ولا ثواب ولا أجر مر من تمر 42 اول ما تلمس کفّي اسکر بالعشگ یا صاح وانسی الماضي ما للزعل جدوی اریدک لي تجي والعمر یمشي وگاضي لا تسمع وکل ما یگولونه کذب کلّه حکیهم فاضي الناس حسدونا حبیبي و ما علینا بالحکي مادام گلبک راضي زعلک عليَّ ولا تهم ارجع ولا بالبال واجبرلي الکسر مر من تمر 43 ضمني بحضانک یاالله نرگص للعشگ ونغني امسک یدي وبوسة صلح خُِِذ من خدودي ومني تغمز تأشّرلي؟ تجي عندي و تبادلني المشاعر یعني یاالله تعال و داعب ازهاري گبل لا تذبل اسرع شمني کم فی غیابک عذبت گلبي الگلاید و احرجتني و اعتذر 44مر من تمر لبّي لي طلبي ارجع و قاسمني الهوی لبّي لي واتوسّد احضاني و علی صدري اغفی و اسرج خیلي وغنّي لي واعزف لي علی العود وتفنّن یا رجل غنّي لي عیني علی دربک حبیبي و العشگ هد حیلي و من لایحب في هذهِ الدنیا إذن کل شئ خسر مر من تمر 45 لما تمادیت وغبت، للعشگ ایام ولیالی حنیت ومن ما لگیتک سکرت شباک الاحلام وعزفت وغنیت ومن استفقت استغربت حتی القصاید و الشوارع والبیت رحت امشی و اندب یا ضعن وینک وانادی وجنیت وتوسدت عشب الارض واصبح غطای السما واوراق الشجر مر من تمر 46 اول لقاءجمعتنا نخلات العشگ من زرنا شاطي ام اتمیر وسجّـلنا للعالم سوی ملحمة حب تتحدّی قـــــصة هومیر وماکان ثالث جنبنا اللّهم الاطیر شاهد للوفا وعشّ الطیر ومن یوم الاول انا حذرتک ونبهت اُوعی من عثرة بیر وگلت اعرف الخطوات واعرف دربي واتحرک حسب هذا الحذر مر من تمر 47 جازفت بعیوني وشفت حلمک علی لیلة عید ماشي کنت ماشي وتأنّـیت وسألتک یا حلم وین اترید وگلت ادرس الحبّ وگلت زید العشگ والنار إذن ضاعف زید وعلّمتنی یعنی درس گلت ارفضي کل ما یوازی التقلید غیّرت أطباعي ورحت وانتظرت ساعه وسنه ویوم وشهر مر من تمر 48 فکّرت تتخلّی وتروح وتختفي وتگدر علی نسیاني وگلت العشگ هذا العشگ هجر وفراق وما ضعف ایماني ولملمت جرحی وگلبی ما تک تک علی حب ثاني و زخّة مطر رشّ العشگ لیله علی بستاني هذا انتَ گلت وما نمت حتی الفجر موش المطر مر من تمر 49 اعصر الرّمان اعصر الایام خلـّلنی وخمّر تــــیني وکل ما تگول ارضی والبّي لک علی راسي حبیبي وعینیي مانفترگ للتالي ویبقی العشگ ما بینک ومابیني سرّ واظلّ مدیونه لک و ارجع وأدّي دیني حتی اذا یبقی لي یوم من العمر حتی اذا شاب الشعر مر من تمر 50 تدری اللیالی ما ترید ایامنا تشمس حبیبی وتشرگ والدنیا شر وخیر والشر صفة النّاس التّی ما تعشگ یامن الحاظک جنـّنتني من تعاکسني حبیبي وتسرگ وتعرفني عاشـــــگ دونما أدري بالعیون اغــــرگ وتغمزلي، خاف الله احترس لا تفتح إزرار الصــدر مر من تمر 51 استغربت من شفت حضنک حامل اولاد الناس وین الوفا مامن وفا ما من شعور واحساس یاگلبی لا تبکی تری کسرو علی الارض الکاس ویوم الذی سار الضعن لا صوت صاح ولا تغنت اجراس کف یا گلب عن العشگ ماکافی بالحب تحترگ لا تستمر مر من تمر 52 قال أُولو الألباب صَه یا نـــــــاصر من لم یکن له أوّل طبعا فما له آخــر أترک هواهم یا متیّم لا تقل یا شاطر هذی فصیلتهم مدنّسة وإنک شــــــاعر مرّت سنینٌ والذي أحببته بک لم یـمر مر من تمر 53 أیّامنا احلامنا لا لن أُضیعها ولن انسی الهوی شــــــــفة علی شــــفة سنبقی لن یفرّقنا النوی تلک السویعات ألتّي مرّت وعشــــناها سوی تکفي لعمرٍ کاملٍ تکفي لکي للعشق یرتفع اللوا والجُرحُ لن ینسی الدّوا ،والشمسُ لن تنسی القمر مر من تمر 54 لاحظ کتاباتی تذکّر لـــــــــعبة ألدنیا وغنِّ یا مغنِّ منها تجاعیدی وآهــــاتی ومأساتی وآلامي وحزني قل للجمیـــــــلة إذ تروم بعینها ماذا بهذا اللّحظ تعني هي تستـفـزّني لیس إلاّ بغتة ما خاب من لیلاي ظني من لي محیّاها شموسٌ کل فجر تشتــهـــیه لُمی السّحر مر من تمر 55 یـــــا أیّـــها الـــقلب الـــذّي نـــــارٌ به تتـوقّـدُ یا أیها القلب المعنّی مَن علی أحواله لا یُحسدُ جدّد حیـــاتک فألـــــــذّین تحبّهم هُم جـــــدّدوا سـدّد دیونک من صبایا أللیل مِـمَّـن سدّدوا فمن الهوی والعشق یا جار ألهوی ما من مفر مر من تمر 56 رحماکَ من ساقٍ تکشّف صرحه حتّی تجنّی واحتجل رحماک من قمرٍ محیّاه مطلسمة ببصمات العسل رحماک واحذر لا تغّیبني إذا طوّقت عُنقی کي تبادلني القُـــبَـل ارجوک لاتکشف سرائرک المرایا والمفاتن و الکفل التین والزیتون ماخمّرته فی صدرک الدافي اختمر مر من تمر 57 گلبی علی حلو المحیّا علی الحلوات الشفایف علی خزاماته ما زینت صدره الگلاید و الحِلی راقی وحلو من ذاته لیله شتا طالت علیه وفجّرت برکان رمّاناته و کمشتنی من مدّیت کفی اقطف العنقود کمّاشاته الله یخلیه الحلو من القدم للراس یتبارگ علی طوله الشّذر مر من تمر 58 کل ما هنالک من أغانی حلوه اگدر من شفایفه اسمعها وشمسه تحب بیض اللیالی تغفی بین العصر والمغرب وبیدی اطلعها ورایاته ترگص للسّما من کثر مارفرفت لنجوم الثّریا ارفعها وخرزاته تتبعثر و الم قوّتی کلها ومن ارضها ارفعها ویتورّق ویمشی ویورّقنی مثلماللعشگ تتورّق اوراق السدر مر من تمر 59 أخشی الزمان ولعبته و ارجع واذکرک بالهوی و الگاک غافی وناسی ومن المس الشاطی ـ کفوفک ـ بارده وما من حراره وشئ یثیر احساسی و روحک الگاها بس مجرّد روح ما تعشگ و گلبک قاسی ولا تحس لا تشعر و گلبک لا یدگ لا یحتضن جُّلاسی وین امشی وین اهرب اذا کل السکک عین واثر مر من تمر 60 خایف التالی ما یصیر اللی نریده وما یوفّی المطلوب والحلم ذاک اللی بنیناه وتعبناله عمر یعثر ویخسئ و ینگلب بالمگلوب و یشغلنا من یمشی ویجی و ننسی و یلهّینا القدر والمکتوب والعمر یا ویلی العمر ،العمر معدوده تری ایامه وگصیر ومحسوب خایف ولا خایف انا خایف علی حملک ثگیل و ویکسر العود الخصر مر من تمر 61 احلفک بالعیون وحلیب امک وحامد واحمد لیش المرایا اتکسّرت لیش الورد ما ورّد النار لیش النار ما تحرگ ضمیرک لیش تطفی وتبرد واریحی ولاتتبدل وعاشگ ولا گلبک ردی وگلب أسود ما تنسی ادری وماتعطّل من تجی والارض ما تنسی النهر مر من تمر 62 انا والعود یا عینی سهاری علی الذّکری سکاری وما سکاری شسوی له الگلب ما تطفی ناره وهذا الصیف شو ما بیه حراره وین انت ساکن أی جحر؟ مر من تمر 63 أغنّی لک أویلی و آه اوف اوف واعمی اللی ینکرک اعمی مکفوف تجی عندی واگول لک عاین وشوف علی عینک تفطّر گلبی ملهوف لو ما تجی الاّ اتحدّی موّال النَّور مر من تمر 64 سامحتک ارجع لی وتعال اطربنی إن کان فی گلبک هوی وتحبنی ارجع وبین اشجار صدرک ضمنی ارجع مثلما تشتهی عذبنی خوفی علی گلبی یطگ وینفجر مر من تمر 65 تستحی عجّزت واظن ما تهوی اشوفک شایب لا بأس انا گلبی سمیح وباللیالی مثل شمعه و ذایب تحکی توصّي ناس ما تسوی بأنک تایب توبة الذیب الموت أنا زین أعرفک یاخایب والفخر للطیّار مو للطائره للّذي یتحدّی الفخر مر من تمر 66 مرّات أقص قصّتي للتاریخ أقص و أنقلها یضحک یهزّ کفّه ویگول إیش شفت هذا أوّلها یسألني:عین الحلو من بکّاها من کحّلها ؟ مَن هذي الدنیا السعیده الباکر المستعصیه کوّلها وأضحک وأهزّ کفّي أنا ویبکي علی حالي ویفرّ مر من تمر 67 ضیعت أحلی أحلامي یا الله یعطیک العافیة مادام لي دنیا وعمر ما تصفی هذي الصافیة أرکض ورا هذا السّراب وما تساعدني الأقدام الحافیة إلاّ تجیني وأغفی ما بین الأحضان الدافية جف یاقلم مادام تهویلک علی أوراقي کثر مر من تمر 68 إیه في أمان الله حبیبي و راح أشوفک باچر لیلة العید اللیلة الاُخری وأظل لک ناطر لاتنسی جیب اویاک أوراق وقلم للشاعر لا تنسی الله لا یوفقه الورد ذاک الزاهر و إملي جیوبک بالغرامیات نستعملها إذا جف الحبر مر من تمر 69 خلّفت أطلال و رحت خلّفت حزن وحرمان سکّر الباب الحب مشی مگفول باب الدّکان ظلما وشتا الدنیا و أنا أرجف وأکابر بردان ماترکت للطیر الاّ سما وبردي وکولان حمّظت، سدّیت إلشّبابیک ورحت آه یا القهر مر من تمر 70 إعفي اعذریني إذا أحببت في زمنٍ لا النّـــــاسُ ناسٌ ولا الأیــّـام أیّامُ هل تقرأیني کتــــــــــابا ضاع أوّلُهُ تصفّحـت قلبـــــــــــَه المسکین آلامُ ثمّ استعادته أشیـــــــــــــاءٌ مبعثرةٌ کالنّهر کارون إذ جُلّاسُه قـــامــوا عشــــقٌ یحاصر قلبي الآن یقــتلهُ عشــــــقٌ توسّــدني بالآهِ قـــــــوّامُ کـلّ اللیـالي إذا نــامت کـواکبـــــها تبکي اللیــــالي إذا أحبــابها نــاموا فأستثمري الحُسنَ في قلبي بِرمّــتهِ مـــــــــا للــرّیاحِ إذا تبـتلُّ أقــــدامُُ

كارونيات